Monday, October 13, 2014

Monday, October 6, 2014

Thursday, October 2, 2014

Tuesday, March 11, 2014

Peeping Tom

Í gær fór ég í sturtu. Í rauninni er athöfnin sjálf ekki frásögu færandi það sem þetta var ósköp venjuleg sturtuferð og í rauninni dagleg athöfn (svona oftast allavega). Hún var kannski helst til stutt þar sem ég var á hraðferð en hún sinnti sínu hlutverki ágætlega. 


En að punkti sögunnar.

Þegar ég kom inn í herbergið mitt, nakin og með túrkisblátt handklæðið bundið um höfuðið varð mér litið út um gluggann (auðvitað var alveg dregið frá og vel hægt að sjá inn). Við mér blasir þessi rosalega fína jólasnjókoma svo án þess að hika (hraðferðin munið þið) greip myndavélina sem lá á skrifborðinu og tók nokkrar myndir.

Eftir um það bil mínútu rann það upp fyrir mér hvað ég var að gera. Þarna var ég, nakin, já allsber, með myndavél, að taka myndir út í glugga, um miðjan dag, af barnaleikvelli og vel sjáanleg öllum sem áttu leið hjá.


Hér eru allavega myndirnar af fínu stjókomunni. Mikið vona ég innilega að enginn í húsunum á móti hafi tekið mynd í áttina að mér.






Tuesday, February 25, 2014

Monday, December 23, 2013

Fyrir ári


Ég hef aldrei lagt það í vana minn að strengja áramótaheit, en um síðustu áramót lofaði ég mér einu. Ég lofaði mér því að á nýju ári myndi ég einfaldlega fresta minna og gera meira.

Það er ekki svo erfitt? 
Í staðin fyrir að fresta öllu sem ég ætla að gera, þá geri ég það bara? 
Aha?

Er því ekki við hæfi að setja inn myndir frá síðustu jólum? Sem komu einmitt aldrei inn, afþví að ég frestaði því að hætta fresta, og fór kannski aldrei að gera neitt meira. 
Nújújú.

Hér eru jólin 2012.














Wednesday, December 4, 2013

Airwaves 13

Airwaves og Rikke
Rikke og Airwaves

Þriðja árið í röð hélst þetta í hendur
Og mikið mikið var það gott og gaman




















Sunday, October 6, 2013

Sumardagar og sumarkvöld

Það fór ekki framhjá neinum að það rigndi í sumar. Það rigndi, rigndi og rigndi. Ég kvartaði mikið og hátt yfir þessu öllu saman. Ég meina? Fyrsta sumarið sem ég ákveð að eyða í Reykjavík og það rignir. Allan tímann. Ég tók þessu persónulega (svona eins og ég tek veðrinu yfirleitt). Þegar ég síðan skoða yfir myndirnar frá sumrinu þá var ekkert rigning alla daga. Það kom annað slagið sól og þá var gaman. Ekki það að gamanið hafi verið minna þegar það rigndi, en meira svona ,,vá hvað það er mikil rigning og hvað það er blautt" gaman, þið þekkið þetta.

Hér eru nokkrar sumarmyndir frá sumardögum og sumardjammi.

Á fleygiferð vestur



Þessi dagur var held ég besti sólardagurinn. Einar og Guillermo gæða sér á þynnkuborgara. Fleiri dagar mættu vera svona dagar.




Jackie og Dögg bestabarn.



Kat kom og fór. 



María Rut MediaDarling. Við drukkum alveg nokkra bjóra saman í sumar. Nokkra bara.


Gylfi og Greipur passa standardinn í útilegum. Óþarfi að vera villimenni þrátt fyrir að gista í tjaldi. Hér blanda þeir félagar G&T ofan í mannskapinn.



Sævar Steinn í viðskiptapælingum.


 Þetta bestapar asnaðist til að flytja til Danmerkur í lok sumars. Nú sakna ég þeirra ógurlega. Hver kemur með mér í ferðalag?

Tuesday, September 3, 2013

Sumargestur


Heiðursgestur sumarsins dvelur enn hjá okkur á Holtsgötunni. Hún kippir sér lítið upp við það að stutt sumarið sé víst á enda. Situr enn sem fastast og ég er farin að leiða hugann að því að hleypa henni bara inn þegar það kólnar meira. Er það ekki hugmynd? Jújú.




Thursday, August 1, 2013